છેલ્લા 15 દિવસથી વોટ્સએપ પર રિવરફ્રન્ટનો એક વીડિયો વાઈરલ થયો છે જેમાં એક કપલ જાહેરમાં તમામ પ્રકારની મર્યાદાઓ તોડીને બીભત્સ વર્તન કરી રહ્યું હતું.

આ વીડિયો કોઈ બ્લુ ફિલ્મ હોય જેટલો બીભત્સ હોવાથી પોલીસ પણ એક્શનમાં આવી ગઈ છે અને આવા કપલ સામે કાર્યવાહી શરુ કરી છે. આજ રીતે જાહેરમાં રિવરફ્રન્ટ પર કિસ કરતા કપલને પકડીને તેમની સામે પોલીસે જ ફરિયાદ નોંધાવી છે.

શહેરના ઈન્દિરા બ્રિજથી વાસણા બેરેજ સુધીના 11 કિલોમીટર લાંબા રિવરફ્રન્ટના અમુક વિસ્તારમાં વોક-વે છે. ગાંધી બ્રિજથી જમાલપુર બ્રિજ આસપાસનો વોક-વે કપલ્સ માટે સ્વર્ગસમાન બની રહ્યો છે. પોલીસ રિવરફ્રન્ટ ઉપર પેટ્રોલિંગ કરે છે પણ વોક-વે ઉપર તપાસ કરવા જઈ શકતી નથી. અમદાવાદ મ્યુનિસિપલ કોર્પોરેશનના ખાનગી ચોકીદારો વોક-વેના અમુક વિસ્તારમાં હોય છે. પણ, મોટો વિસ્તાર હોવાથી એકાંત મળતાં જ અનેક કપલ મર્યાદા ચૂકતાં જોવા મળે છે.